ગુજરાતી ભક્તિ લેખ - Gujarati Bhakti Lekh: શબ્દ વાવેતર વિજેતા લઘુકથા "" મોક્ષ ભૂમિ ભારત ની "" | Moksh Bhumi Bharat ni short story in gujarati by Gayatri Jani

ગુરુવાર, 2 ફેબ્રુઆરી, 2023

શબ્દ વાવેતર વિજેતા લઘુકથા "" મોક્ષ ભૂમિ ભારત ની "" | Moksh Bhumi Bharat ni short story in gujarati by Gayatri Jani | Okhaharan |

moksh-bhumi-bharat-ni-short-story-in-gujarati-by-gayatri-jani

મોક્ષ ભૂમિ ભારત ની
"હેલો જેસિકા મજામાં?"

"હા એકદમ સરસ સરીતા. તુ હવે ક્યારે આવે છે અમેરિકા?"

"હમણા તો કોઈ પ્લાન નથી પણ તુ અહીંયા આવ આપણે ફરવા જઈશુ હવે તો મારો વેદ પણ વર્ષ નો થઈ ગયો છે એટલે હુ તારી સાથે આવી શકીશ."

"Ok તો હુ આવતા અઠવાડિયા સુધી આવુ"

બે બેનપણી ની વાત ફોન પર પુરી થાય છે. સરીતા ભારત મા થી થોડો સમય અમેરિકા ગઈ હતી ત્યારે જોબ પર જેસિકા જે ત્યાં ની છે એની સાથે મિત્રતા થઈ ગઈ હતી ભારત ના હોય એટલે મિત્રતા ખૂબ સારી ટકાવી રાખે.
"હેલો સરીતા હુ આવુ છુ મને અમદાવાદ લેવા આવી જજે હવે ફોન મુકુ છુ મારે જોબ પર જવાનો સમય થઇ ગયો છે."

એ દિવસ પણ નજીક આવી જાય છે. અને લેવા માટે જાય છે.

"સરીતા હવે આપણે તારા ઘરે જઈએ અને કાલ થી ફરવાનું ચાલુ."

"હા જેસિકા"

બીજા દિવસે સવારે બેવ સહેલી અને નાનો વેદ એમ ત્રણ નીકળે છે. વૃંદાવન પહોચે છે ત્યા જેસિકા બધા ને જોવે છે લોકો માટી મા એક શ્રધ્ધા સાથે આળોટી રહ્યા હતા.

"સરીતા આ બધા શુ કરે છે આવુ?"

"જેસિકા આ અમારુ ભારત અને એમા વળી વૃંદાવન ની માટી અહીંયા બધે ભગવાન ફર્યા હતા એટલે આ માટી અમારા માટે પવિત્ર છે."

વેદ પડી જાય છે ત્યારે સરીતા વેદ ને વાગ્યુ હોય ત્યા માટી લગાવે છે.

"સરીતા સુ કરે છે તુ?"

"જેસિકા પહેલો ઉપાય કરું છુ અમારા ભારત દેશ ની માટી મા એટલી તાકાત છે જે એને તરત રાહત આપશે."

ત્યા થી નીકળી ગોકુળ પહોંચે છે. બેવ વાતો મા મશગૂલ થઈ જાય છે. અને વેદ માટી ખાવા લાગે છે અચાનક જેસિકા ની નજર એની પર પડે છે.

"સરીતા વેદ ના મોઢા મા જો જલદી માટી ખાય છે "

"હા જેસિકા ચિંતા ના કર કાઢી નાખુ અને ખાય તો પણ એવુ કઈ નહી થાય આ માટી કૃષ્ણ ભગવાને પણ ખાધી હતી."

"અરે સરીતા તુ આવી બધી શ્રધ્ધા રાખુ છુ એવુ ના હોય "

"જેસિકા હુ એકલી નહિ અમારા ભારત ના દરેક વ્યક્તિ ને અમારા દેશ ની માટી પર ગર્વ છે દેશ ની માટી માટે કેટલા લોકો એ પોતાના બલિદાન આપ્યા છે. અમારી આ માટી ની મહેક બધા અત્તર ને પણ પાછા પાડે એવી છે. અમારા દેશ ની માટી જ એક એવી છે મોક્ષ ભૂમિ છે ભારત દેશ જ્યા સંતોષ, શાંતી, અને મોક્ષ મળે છે જ્યારે ભારત ની બહાર માત્ર રૂપિયા અને ભોગ ભૂમિ છે."

"સાચી વાત સરીતા તમારા ભારત મા દેશ ની માટી ની પણ કિંમત કરો છો જ્યા અમારે ત્યાં વ્યક્તિ ની પણ કોઈ કિંમત હોતી નથી."

આ દેશ ની માટી અમારા માટે સર્વસ્વ છે.