શ્રી ગણેશાય નમઃ જય શ્રી કૃષ્ણ મિત્રો સ્વાગત છે તમારૂં આપણા ગુજરાતી ભક્તિ લેખ માં આજે આપણે પાઠ કરીશું શ્રી સિદ્રલક્ષ્મી સ્તોત્રમ્ ગુજરાતી ભાષામાં જેના પઠન શ્રવણ માત્રથી સવૅ કાયૅ સિદ્ર થાય છે.
શ્રી સિદ્ધલક્ષ્મી સ્તોત્રમ્
અસ્ય શ્રીસિદ્ધલક્ષ્મીસ્તોત્રમંત્રસ્ય હિરણ્યગર્ભ ઋષિઃ અનુષ્ટુપ્ છંદઃ, શ્રીમહાકાળીમહાલક્ષ્મીમહાસરસ્વત્યો દેવતાઃ શ્રીં બીજં હ્રીં શક્તિઃ ક્લીં કીલકં મમ સર્વક્લેશપીડાપરિહારાર્થં સર્વદુઃખદારિદ્ર્યનાશનાર્થં સર્વકાર્યસિદ્ધ્યર્થં શ્રીસિદ્ધિલક્ષ્મીસ્તોત્ર પાઠે વિનિયોગઃ ॥
ઋષ્યાદિન્યાસઃ
ઓં હિરણ્યગર્ભ ઋષયે નમઃ શિરસિ ।
અનુષ્ટુપ્છંદસે નમો મુખે ।
શ્રીમહાકાળીમહાલક્ષ્મીમહાસરસ્વતીદેવતાભ્યો નમો હૃદિઃ ।
શ્રીં બીજાય નમો ગુહ્યે ।
હ્રીં શક્તયે નમઃ પાદયોઃ ।
ક્લીં કીલકાય નમો નાભૌ ।
વિનિયોગાય નમઃ સર્વાંગેષુ ॥
કરન્યાસઃ
ઓં શ્રીં સિદ્ધલક્ષ્મ્યૈ અંગુષ્ઠાભ્યાં નમઃ ।
ઓં હ્રીં વિષ્ણુતેજસે તર્જનીભ્યાં નમઃ ।
ઓં ક્લીં અમૃતાનંદાયૈ મધ્યમાભ્યાં નમઃ ।
ઓં શ્રીં દૈત્યમાલિન્યૈ અનામિકાભ્યાં નમઃ ।
ઓં હ્રીં તેજઃ પ્રકાશિન્યૈ કનિષ્ઠિકાભ્યાં નમઃ ।
ઓં ક્લીં બ્રાહ્મ્યૈ વૈષ્ણવ્યૈ રુદ્રાણ્યૈ કરતલ કરપૃષ્ઠાભ્યાં નમઃ ॥
અંગન્યાસઃ
ઓં શ્રીં સિદ્ધલક્ષ્મ્યૈ હૃદયાય નમઃ ।
ઓં હ્રીં વિષ્ણુતેજસે શિરસે સ્વાહા ।
ઓં ક્લીં અમૃતાનંદાયૈ શિખાયૈ વષટ્ ।
ઓં શ્રીં દૈત્યમાલિન્યૈ કવચાય હુમ્ ।
ઓં હ્રીં તેજઃ પ્રકાશિન્યૈ નેત્રત્રયાય વૌષટ્ ।
ઓં ક્લીં બ્રાહ્મ્યૈ વૈષ્ણવ્યૈ રુદ્રાણ્યૈ અસ્ત્રાય ફટ્ ॥
ઓં શ્રીં હ્રીં ક્લીં શ્રીં સિદ્ધલક્ષ્મ્યૈ નમઃ ઇતિ દિગ્બંધઃ ॥
અથ ધ્યાનમ્
બ્રાહ્મીં ચ વૈષ્ણવીં ભદ્રાં ષડ્ભુજાં ચ ચતુર્મુખીમ્ ।
ત્રિનેત્રાં ખડ્ગત્રિશૂલપદ્મચક્રગદાધરામ્ ॥ 1 ॥
પીતાંબરધરાં દેવીં નાનાલંકારભૂષિતામ્ ।
તેજઃપુંજધરીં શ્રેષ્ઠાં ધ્યાયેદ્બાલકુમારિકામ્ ॥ 2 ॥
અથ સ્તોત્રમ્
ઓંકારં લક્ષ્મીરૂપં તુ વિષ્ણું વાગ્ભવમવ્યયમ્ ।
વિષ્ણુમાનંદમવ્યક્તં હ્રીંકારં બીજરૂપિણીમ્ ॥ 3 ॥
ક્લીં અમૃતાનંદિનીં ભદ્રાં સત્યાનંદદાયિનીમ્ ।
શ્રીં દૈત્યશમનીં શક્તિં માલિનીં શત્રુમર્દિનીમ્ ॥ 4 ॥
તેજઃ પ્રકાશિનીં દેવીં વરદાં શુભકારિણીમ્ ।
બ્રાહ્મીં ચ વૈષ્ણવીં રૌદ્રીં કાલિકારૂપશોભિનીમ્ ॥ 5 ॥
અકારે લક્ષ્મીરૂપં તુ ઉકારે વિષ્ણુમવ્યયમ્ ।
મકારઃ પુરુષોઽવ્યક્તો દેવી પ્રણવ ઉચ્યતે ॥ 6 ॥
સૂર્યકોટિપ્રતીકાશં ચંદ્રકોટિસમપ્રભમ્ ।
તન્મધ્યે નિકરં સૂક્ષ્મં બ્રહ્મરુપં વ્યવસ્થિતમ્ ॥ 7 ॥
ઓંકારં પરમાનંદં સદૈવ સુરસુંદરીમ્ ।
સિદ્ધલક્ષ્મી મોક્ષલક્ષ્મી આદ્યલક્ષ્મી નમોઽસ્તુ તે ॥ 8 ॥
શ્રીંકારં પરમં સિદ્ધં સર્વબુદ્ધિપ્રદાયકમ્ ।
સૌભાગ્યાઽમૃતા કમલા સત્યલક્ષ્મી નમોઽસ્તુ તે ॥ 9 ॥
હ્રીંકારં પરમં શુદ્ધં પરમૈશ્વર્યદાયકમ્ ।
કમલા ધનદા લક્ષ્મી ભોગલક્ષ્મી નમોઽસ્તુ તે ॥ 10 ॥
ક્લીંકારં કામરૂપિણ્યં કામનાપરિપૂર્તિદમ્ ।
ચપલા ચંચલા લક્ષ્મી કાત્યાયની નમોઽસ્તુ તે ॥ 11 ॥
શ્રીંકારં સિદ્ધિરૂપિણ્યં સર્વસિદ્ધિપ્રદાયકમ્ ।
પદ્માનનાં જગન્માત્રે અષ્ટલક્ષ્મીં નમોઽસ્તુ તે ॥ 12 ॥
સર્વમંગળમાંગળ્યે શિવે સર્વાર્થસાધિકે ।
શરણ્યે ત્ર્યંબકે ગૌરિ નારાયણી નમોઽસ્તુ તે ॥ 13 ॥
પ્રથમં ત્ર્યંબકા ગૌરી દ્વિતીયં વૈષ્ણવી તથા ।
તૃતીયં કમલા પ્રોક્તા ચતુર્થં સુંદરી તથા ॥ 14 ॥
પંચમં વિષ્ણુશક્તિશ્ચ ષષ્ઠં કાત્યાયની તથા ।
વારાહી સપ્તમં ચૈવ હ્યષ્ટમં હરિવલ્લભા ॥ 15 ॥
નવમં ખડ્ગિની પ્રોક્તા દશમં ચૈવ દેવિકા ।
એકાદશં સિદ્ધલક્ષ્મીર્દ્વાદશં હંસવાહિની ॥ 16 ॥
ઉત્તરન્યાસઃ
ઓં શ્રીં સિદ્ધલક્ષ્મ્યૈ હૃદયાય નમઃ ।
ઓં હ્રીં વિષ્ણુતેજસે શિરસે સ્વાહા ।
ઓં ક્લીં અમૃતાનંદાયૈ શિખાયૈ વષટ્ ।
ઓં શ્રીં દૈત્યમાલિન્યૈ કવચાય હુમ્ ।
ઓં હ્રીં તેજઃ પ્રકાશિન્યૈ નેત્રત્રયાય વૌષટ્ ।
ઓં ક્લીં બ્રાહ્મ્યૈ વૈષ્ણવ્યૈ રુદ્રાણ્યૈ અસ્ત્રાય ફટ્ ॥
ઓં શ્રીં હ્રીં ક્લીં શ્રીં સિદ્ધલક્ષ્મ્યૈ નમઃ ઇતિ દિગ્વિમોકઃ ॥
અથ ફલશૃતિઃ
એતત્ સ્તોત્રવરં દેવ્યા યે પઠંતિ સદા નરાઃ ।
સર્વાપદ્ભ્યો વિમુચ્યંતે નાત્ર કાર્યા વિચારણા ॥ 17 ॥
એકમાસં દ્વિમાસં ચ ત્રિમાસં ચ ચતુસ્થથા ।
પંચમાસં ચ ષણ્માસં ત્રિકાલં યઃ સદા પઠેત્ ॥ 18 ॥
બ્રાહ્મણઃ ક્લેશિતો દુઃખી દારિદ્ર્યભયપીડિતઃ ।
જન્માંતર સહસ્રોત્થૈર્મુચ્યતે સર્વકિલ્બષૈઃ ॥ 19 ॥
દરિદ્રો લભતે લક્ષ્મીમપુત્રઃ પુત્રવાન્ ભવેત્ ।
ધન્યો યશસ્વી શત્રુઘ્નો વહ્નિચૌરભયેષુ ચ ॥ 20 ॥
શાકિની ભૂત વેતાલ સર્પ વ્યાઘ્ર નિપાતને ।
રાજદ્વારે સભાસ્થાને કારાગૃહનિબંધને ॥ 21 ॥
ઈશ્વરેણ કૃતં સ્તોત્રં પ્રાણિનાં હિતકારકમ્ ।
સ્તુવંતુ બ્રાહ્મણાઃ નિત્યં દારિદ્ર્યં ન ચ બાધતે ॥ 22 ॥
સર્વપાપહરા લક્ષ્મીઃ સર્વસિદ્ધિપ્રદાયિનીમ્ ।
સાધકાઃ લભતે સર્વં પઠેત્ સ્તોત્રં નિરંતરમ્ ॥ 23 ॥
પ્રાર્થના
યા શ્રીઃ પદ્મવને કદંબશિખરે રાજગૃહે કુંજરે
શ્વેતે ચાશ્વયુતે વૃષે ચ યુગલે યજ્ઞે ચ યૂપસ્થિતે ।
શંખે દૈવકુલે નરેંદ્રભવને ગંગાતટે ગોકુલે
સા શ્રીસ્તિષ્ઠતુ સર્વદા મમ ગૃહે ભૂયાત્ સદા નિશ્ચલા ॥
યા સા પદ્માસનસ્થા વિપુલકટિતટી પદ્મપત્રાયતાક્ષી
ગંભીરાવર્તનાભિઃ સ્તનભરનમિતા શુદ્ધવસ્ત્રોત્તરીયા ।
લક્ષ્મીર્દિવ્યૈર્ગજેંદ્રૈર્મણિગણખચિતૈઃ સ્નાપિતા હેમકુંભૈઃ
નિત્યં સા પદ્મહસ્તા મમ વસતુ ગૃહે સર્વમાંગળ્યયુક્તા ॥
ઇતિ શ્રીબ્રહ્મપુરાણે ઈશ્વરવિષ્ણુસંવાદે શ્રી સિદ્ધલક્ષ્મી સ્તોત્રમ્ ॥
